Part 20

එමා ට පැයක් නින්ද යන්න ඇති..බය වෙලා වගේ ඇහැරැනා.....
ඔයාලට එහෙම දැනිල තියෙනවා ද? හීනෙනුත් නැගිටලා අතගාල හොයන ආදරය ක්...ඒක මාර දුකක්... කලුවරෙත් නැගිටල අතගාල හොයනවා....ඒත් එත⁣කොට එයා ලග නෑ කියල දැනුනම තනියම ඉකි ගහලා අඩල තියෙනවද? එහෙම අඩල පපුවෙ හුස්ම හිරවෙන්න ඇවිත් තියෙනවද? එහෙනම්  ඔයාලත් අනිවාර්යයෙන් ආදරේ විදල ...විදවලා තියෙනවා....මට එහෙම සිංදුවක් ඇහිල තියෙනව  මුලු සිංදවම මතක නැතත් ඒ වචන පේලිය හොදටම මතකයි....
" මැදයම් මහ රෑ අදටත් හිත ඉගිලෙනවා....
නින්දෙන් ඇහැරී කලුවරේම යලි හොයනා..." දන්නවද එහෙම සිංදුවක් ? සමවෙන්න මුල මතක නෑ....

කළුවරත් වැටිලා. එමා හිතුවේ coffee එකක් රූම් එකට ගෙන්න ගන්න. පහලට ගියත් dineth එක්ක චැට් එකක් දාන්න පුලුවන් ඒත් ඒකටත් හිතට හරි මදි....

 අපි බලමු එමා..... එක හීනෙන් එලි වෙන්නෙ නෑ. මේ පටන් ගැන්ම විතරයි... ඉවසන්න......
 ලස්සන ගෙ වචන ටික  එමා ට මතක් වුණා.....

ලස්සන.... වෙන කවදාටත්  වඩා එමා ට ලස්සනව මතක් වෙනවා වැඩියි.

 එහෙන් ආදර ඈත්වෙලා මෙහෙන් ලස්සන ලංවෙලා....

ලස්සනට කතා කරනකොට හිතට සතුටක් දැනුනත් ඒක වින්දත් එමාට ආදර මතක් නොවෙන වෙලාවක් නැහැ........ ආදර ගෙ ඉස්සරත් පොඩි පොඩි කේස් තිබුණට මේ තරම් දරුණුවට මේ වගේ දෙයක් වුණේ පළවෙනි වතාවට. ආදර කවදාකවත් කෝල් එකට ආන්සර් නොකර ඉඳලා නැහැ......

තනියම කල්පනා කරල පිස්සු වැටෙන්න කලින් එමා දිනෙත් ට කෝල් කලා....

 "මොකද්ද දිනෙත් , ආදර ට  ආදරේ කියන්නෙ...?".  . එමා ඒ ප්‍රශ්නය දිනෙත් ගෙන් ඇහුවා....

 "එමා ආදර දන්වා ආදරේ කියන්නේ මොකද්ද කියල .... එයා තවම ජීවිතය විඳිනවා...... එයා ඒ විඳින විදිහ හරිද වැරදිද කියලා එයා තේරුම් ගන්න හදන්නෙ නැහැ.... එයා තවම ජීවත් වෙන්නේ එයාට අයිති ලෝකෙක.... ඒ ලෝකේ රජ්ජුරුවෝ එයා....
එයා ඔයාට ආදරෙයි.... ඒත් ඒ ඔයා අහල තියෙන ආදරේ නෙමෙයි.
... ඔයා අහල දැකල තියෙන ආදරෙයි ...ආදරගෙ ලෝකේ තියෙන ආදරේ කියන්නේ අහසයි පොළොවයි වගේ
.. ගොඩක් අයට ආදර ගෙ ලෝකෙ කියන්නේ පිස්සු ලෝකයක්.... ඒත් ආදර වගේ කෙනෙක්ට ඒක අදාළ නැහැ ....
ආදර ඒක නොදන්නවා නෙමෙයි ....ආදර දන්නවා ආදර ගෙ ලෝකේ 100% ක් නිවැරදි නැහැ කියලා..... එයා දන්නව එයා වැරදියි කියලා... ඒත් එයා ඒක ඒ විදිහට හිතන්න ආස නෑ..... එයාට ඒ ලෝකෙ ලේසියි.... අනෙක් අයට එයාගෙ ලෝකෙ අමාරු වුණාට එයාට එයාගෙ ලෝකෙ පුදුම නිදහසක් දැනෙනවා......
 එයාගෙ ලෝකෙ එක තැනක ඔයා ජීවත් වෙනවා.... එයා ඔයාව replace කරන්න ට්‍රයි කළාට එයාට ඔයාව replace කරන්න පුළුවන් කෙනෙක් තවම ලැබිලා නැහැ.....
 එයා තවම ට්‍රයි කරන්නේ ඔයා ද එයාගෙ ලෝකෙ එතන ඉන්න සුදුසුම කෙනා කියලා.... එයා ඔයාට ආදරේ වුණත් එයාට ආස හිතෙන කෙනෙක් දැක්කොත් එයාට ඒක කරල බලන්නම ඕන..
... ඒ කෙනාව try කරන process එකේදී ඔයා එයාට කරදරයක්... ඔයා පැත්තකට වෙලා පාඩුවේ හිටියා නම් එයාට ඒක ප්‍රශ්නයක් නැහැ..... ඒත් දැන් එයා තරහ අරගෙන ඉන්න ඔයා එයාට disturb කරන නිසා.....
එමා... ඔයා තමයි තීරණය කරන්න ඕන ඔයාට ඕන ඒ ජීවිතේද ....ඇත්තටම ඔයාට ජීවත්වෙන්න සුදුසුම කෙනා එයාද කියලා....හැම දේම ආදර ම ඕනි කියන තැන ඉදල තීරනය කරන්න එපා .. ඔයාගෙ ලයිෆ් එක ඔයාගෙ.....""""

""""ඔව් මගේ ලයිෆ් එක මගේ...දෙකෙන් එකක් බේරගන්න නම් ආදර එක්ක කතා කරන්නම වෙනව⁣...." එමා එහෙම හිතුවා.